Новости од Франција

  • Писмо со честитки од Претседателот Макрон до Претседателот Пендаровски по повод државниот празник 8 септември

    „Бидете убеден дека ја имате целата моја поддршка за европската перспектива на Северна Македонија …посакувам што побрзо да се утврди преговарачката рамка. Франција… ќе продолжи да ги поддржува неопходните реформи за постигнување напредок на Северна Македонија кон Европската Унија, особено на поле на владеењето на правото кое е во сржта на европските вредности.“, подвлекува претседателот на Република Франција во своето писмо со честитки до претседателот Пендаровски по повод државниот празник 8 септември.

    lire plus

  • Изјава на г. Жан-Ив Ле Дриан, Министер за Европа и Надворешни работи

    „Франција ја потврдува својата непоколеблива поддршка кон Меѓународниот кривичен суд и неговиот персонал, како и кон независноста на судството. Таа ги повикува Соединетите Американски Држави да ги повлечат најавените мерки“

    lire plus

  • 26-то издание на Меѓународниот филмски фестивал во Нанси

    Два македонски филма, „Бикини Мун“ во режија на Милчо Манчевски (автор на познатиот филм „Пред дождот“) и „Јас не сум Игор“ на Сергеј Георгиев се во официјалната селекција на 26-то издание на Меѓународниот филмски фестивал во Нанси, што се одржува од 28 август до 6 септември со 130 кратки и долгометражни филмови и повеќе од 100 проекции. Оваа година, фестивалот во Нанси е еден од првите фестивали во Франција што се одржуваат со физичко присуство, со публика во сала, во согласност со здравствените препораки.

    lire plus

  • Наградата за човекови права на Француската Република „Слобода-Еднаквост-Братство“ за 2020 година

    Наградата за човекови права на Француската Република „Слобода-Еднаквост-Братство“ за 2020 година, што ја доделува премиерот на француската влада, е отворена за аплицирање. Две теми имаат централно место: правото на здравствена заштита и борбата против социјалното исклучување, како и заштитата на животната средина и биолошката разновидност.

    lire plus

  • Братство

    Како дел од прославата на 14 јули, државниот празник на Франција, амбасадата особено внимание посветува на она што го претставува братството, како едно од трите основачки начела на Републиката.

    lire plus

  • Франција се бори против сексизмот и стереотипите

    Франција ја интегрираше борбата против сексизмот и стереотипите во својата политика, како во земјата, така и во странство и е активно вклучена во меѓународни настани што промовираат родова еднаквост. Откако се случи кризата со КОВИД-19, Форумот „Генерација за еднаквост“, закажан за пролетта 2020 година во Париз, мораше да се одложи.

    lire plus

  • Заедничко соопштение за медиумите на Претседателот на Република Франција и на Канцеларката на Сојузна Република Германија

    Претседателот Емануел Макрон и канцеларката Ангела Меркел во петок наутро организираа самит преку видео-конференциска врска со Александар Вучиќ, претседател на Србија, Авдулах Хоти, премиер на Косово, Жосеп Борел, висок претставник на Европската унија за надворешни работи и безбедносна политика / потпретседател на Европската комисија и Мирослав Лајчак, специјален претставник на Европската унија за дијалогот помеѓу Белград и Приштина и други регионални прашања во врска со Западен Балкан.

    lire plus

  • Повик за отпор од 18 јуни 1940

    На овој ден, пред 80 години, генералот де Гол го упати познатиот повик за отпор од 18 јуни, снимен во Лондон и пренесуван преку радиобрановите на Би-Би-Си. Шарл де Гол ги повика Французите, офицери, војници, инженери и работниците во индустријата за оружје, да му се придружат за да ја продолжат битката против окупаторот. Оваа основачка порака на францускиот отпор ја слушнале малкумина кога се емитувала на радио, но благодарение на нејзиното преземање во весниците следниот ден, обраќањето на генералот Де Гол допрело до голем број Французи.

    lire plus

  • МНР на Франција - Брифинг со медиумите на портпаролката (29 мај 2020), Разговор на г-ѓа Амели де Моншален со г. Никола Димитров

    Г-ѓа Амели де Моншален, државен секретар за европски прашања при Министерството за Европа и Надворешни работи на Франција, разговараше на 28 мај 2020 година со г. Никола Димитров, министер за надворешни работи на Северна Македонија.

    lire plus

  • Состанок на Алијансата за мултилатерализам којшто се одржа преку видео конференциска врска

    Во справувањето со Ковид-19, Франција се залага за зајакната меѓународна соработка преку глобалните институции. На 16 април, француските и германските министри за надворешни работи претседаваа со состанок на Алијансата за мултилатерализам којшто се одржа преку видео конференциска врска.

    lire plus

hautdepage