Новости од амбасадата
-
Средба со новиот министер за надворешни работи, г. Бујар Османи
Во четвртокот на 3 септември, амбасадорот оствари средба со новиот министер за надворешни работи, г. Бујар Османи. За време на средбата беше реафирмирана заедничката заложба за продлабочување на билатералните односи, од заемна корист за двете земји, особено преку вклучување на Француската агенција за развој, како и низ поддршката на Франција за Северна Македонија во рамките на процесот за нејзина европска интеграција преку брзо усвојување на преговарачката рамка.
-
Средба со реизбраниот претседател на Собранието на Република Северна Македонија, г. Талат Џафери
Во четвртокот на 3 септември, реизбраниот претседател на Собранието на Република Северна Македонија, г. Талат Џафери, го прими на средба амбасадорот на Франција, кој му честиташе за реизборот, изразувајќи желба за интензивирање на парламентарните активности, што е од суштинско значење за консолидација на владеењето на правото. За време на средбата, тие разговараа за работата на Собранието во насока на продолжување на реформскиот процес, особено преку очекуваното повторно изгласување на законот за спречување и заштита од дискриминација, но и преку конструктивна соработка помеѓу мнозинството и опозицијата за прашања поврзани со европската интеграција.
-
Брифинг на премиерот Зоран Заев
Амбасадорот присуствуваше на брифингот на премиерот Зоран Заев за амбасадорите на Европската унија во Клубот на пратеници, во четвртокот на 3 септември. Премиерот ги презентираше стратешките приоритети од мандатот на неговата влада, со посебен осврт на европската интеграција на земјата.
-
Благодарници до францускиот народ за солидарноста што ја покажа во 1964 година
Во петокот на 4 септември, директорот на училиштето „Невена Георгиева Дуња“, Хари Стојаноски им врачи на Амбасадата на Франција и на Францускиот институт во Скопје, благодарници до францускиот народ за солидарноста што ја покажа во 1964 година, овозможувајќи ја изградбата на ова општинско основно училиште, една година по катастрофалниот земјотрес што го погоди главниот град.
-
Отворање на изложбата „Во длабоко и танцувај“, на француско-македонската уметница Весна Стефановска
Во петокот, на 4 септември во Музејот на современата уметност, амбасадорот ја отвори изложбата „Во длабоко и танцувај“, на француско-македонската уметница Весна Стефановска.
-
„Клучевите на Преспа - Актерот на Европа “
Господинот Јордан Плевнеш, ректор на Универзитетот „Еуропа Прима“ - Скопје и организатор на фестивалот „Актерот на Европа“ и господинот Живко Гошаревски, градоначалник на Ресен, градот што секоја година е домаќин на овој фестивал, му ја доделија на Амбасадорот на Франција наградата „Клучевите на Преспа - Актерот на Европа “. Наградата му се доделува во знак на признание за неговите активности во полза на Северна Македонија и нејзиното наследство, особено за црквата во Курбиново, во регионот на Преспанското Езеро.
-
Средба со новиот Заменик на Претседателот на Владата за европски прашања, г. Никола Димитров
Во петокот на 11 септември, амбасадорот оствари средба со новиот Заменик на Претседателот на Владата за европски прашања, г. Никола Димитров. За време средбата, беше реафирмирана француската поддршка за Северна Македонија во рамките на процесот на нејзина европска интеграција преку брзо усвојување на преговарачката рамка.
-
Интервју на амбасадорот за Коха
„Франција го поддржува брзото усвојување на преговарачката рамка што треба да овозможи отворање на преговорите до крајот на годината. Таа настојуваше да се воведе нова методологија за преговори, којашто ќе биде поефикасне, во поглед на конкретните реформи и придобивки за земјата. Сакаме да ја зајакнеме основата на владеењето на правото, што пак претставува неприкосновена основа за нашата заедничка европска иднина “. Во интервју дадено за весникот на албански јазик „КОХА“ во понеделникот, на 7 септември, амбасадорот зборува за актуелната состојба во Северна Македонија, по формирањето на владата, како и за методологиата за проширување што ја предложи Франција, за состојбата во регионот и за последиците од здравствената криза поврзани со пандемијата Ковид-19.
-
Средба со новиот директор на Француското интернационално училиште (ЕФИС), г. Пјер Жименез
Во петокот на 28 август, амбасадорот ги прими новиот директор на Француското интернационално училиште (ЕФИС), г. Пјер Жименез и г-ѓа Билјана Зашаровска-Кракутовска, административен и финансиски директор на училиштето. На средбата, тие разговараа за почетокот на учебната година во EFIS, за пандемијата КОВИД-19 и за максималното почитување на здравствените мерки.
-
Грант од Амбасадата на Франција за поддршка на атрактивниот археолошки локалитет Кокино
Амбасадата на Франција го поттикнува развојот на туризмот базиран на природата во Северна Македонија. Здружението АБЕР 2015, во соработка со музејот во Куманово, доби грант од нашата амбасада за поддршка на атрактивниот археолошки локалитет Кокино. Пристапноста на праисториската природна опсерваторија сега е подобрена благодарение на новите патоказни и информативни табли на француски и на македонски јазик.
- page précédente
- page suivante
1-10 de 223