Во средата на 6 ноември, амбасадорот го прими директорот на Бирото за регионален развој, г. Рамиз Реџепи. За време на средбата, директорот го информираше амбасадорот за активностите на неговата институција во поглед на еден рамномерен и одржлив развој на целата територија на Северна Македонија, поделена на осум региони.
Амбасадорот ја истакна важноста што Франција ја дава на просторното планирање на македонската територија и ја спомена можноста за соработка во рамките на тековната имплементација на Француската агенција за развој во Западен Балкан, што ја покажува заложбата на Франција да го поддржи одржливиот развој во регионот.